Welkom by Hoërskool Koffiefontein



In order to view this object you need Flash Player 9+ support!

Get Adobe Flash player

Oor Hoërskool Koffiefontein...

Geskiedenis van skool

Hoërskool Koffiefontein (‘n Skuur word eerste kerkie en skooltjie)

In Oktober 1880 het Rörich sy plase met drie myne en’n dorpie aan die “Exploration Co.” , ‘n filiaal van De Beers, verkoop. Op erf 76 was sy groot skuur, en omdat dit geskik was vir die hou van kerkdienste, het hy die erf met die skuur daarop aan sy mede-lidmate van die NG-Kerk geskenk, en dit is uitdruklik by die koop uitgesluit.

Gedurende 1881 is die skuur met ‘n steenvloer en vensters verbeter, en daarna was dit bekend as “Die Kerkgebou”. Teen die einde van 1883 was hier al genoeg kinders vir ‘n Staatskooltjie en op 14 April 1884 is Johannes Steyn deur ouers en 25 kinders in die Kerkgebou-skool verwelkom. 

Die dag met die intrek in die skooltjie is ‘n foto geneem en dit is uit Duitsland aan ‘n oud skolier gestuur. Die dogtertjie in die middel het  met die lei met “Koffyfontein 1892” daarop, gesit, en haar pa was die voorsitter van ons eerste Dorpsbestuur. 

Hoërskool Koffiefontein het ‘n grootse verlede met talle kleurvolle karakters wat diep spore in die skool se geskiedenis getrap het asook van die vele oud-skoliere wat hulle merk op vele lewensterreine gemaak het. 

Hoërskool Koffiefontein is sedert sy ontstaan op 14 April 1884 vir sy goeie uitslae bekend. Daar word in gedenkalbums geskryf dat ‘n matriekleerling aan die skool reeds in 1948 ses vakonderskeidings in die eindeksamen behaal het. In 1980 het ‘n tweede leerling hierdie prestasie herhaal. Daarna het ons van krag tot krag gegaan en het goeie matriekuitslae en vakonderskeidings deel van die tradisie van die skool geword. 
In 1998 het 1 leerder onder die top honderd in die Vrystaat geëindig so ook in 2003 is twee leerders van die skool onder die top honderd in die Vrystaat en elk behaal 7 vakonderskeidings. In 2007 was een van die leerders onder die top 10-leerders in die Vrystaat vir Engels EAT. In 2009 is een van die leerders die wenner van die Vrystaatse Openbare Redevoring. Die skool is ook onder die top 3 skole in die Xhariep-onderwysdistrik die afgelope paar jaar. 

Van af 1987 – 2013 het meer as 120 leerders op verskeie gebiede provinsiale klere verwerf in o.a. rugby, netbal, swem, atletiek, skopboks, karate, landloop, tweekamp, skiet, gholf, fietsry, rolbal, tennis, perde uithouritte ens.

Die skool het ook talle Springbok-atlete opgelewer in o.a. atletiek, karate, korfbal, toutrek, kragoptel, rolbal en spog ook met SA Sterkman 2001. 2 Leerders is ook gekies vir die VBA Suid-Afrikaanse Platteland Rugbyspan.

Buitemuurs

Rolbal   Atletiek    Karate
CSV    Skiet   Tennis
Netbal   Rugby  

CopyRight